The Athletic саҳифаларида пайшанба куни кечқурун "Реал"даги вазият ҳақида материал эълон қилинди. Муаллифлар Мадрид клубидаги баъзи манбалар билан анонимлик шарти билан суҳбатлашган.
Марио Кортегана ва бошқа журналистлар "Реал" босслари жамоадаги вазият ва мураббийнинг қийинчиликларидан хавотирда эканликларини билиб олишди. Бунда Хаби Алонсо ягона айбдор сифатида кўрилмайди.
"Шу сабабли, шунингдек, мураббийни бундай тез алмаштириш лойиҳага жиддий зарар етказиши сабабли, клуб Алонсони сақлаб қолишни афзал кўради - агар натижалар бунга имкон берса," - дейилади мақолада.
Хаби Алонсо ва унинг штаби босим кучайганини тан олишади, аммо бунга хотиржам муносабатда бўлишади, чунки шартномани имзолашда шундай вазиятни тахмин қилишган.
