Milanning "Inter" klubi sobiq hujumchisi, hozirda Istanbulning "Galatasaroy" klubida to‘p surayotgan Mauro Ikardi Italiya chempionatiga qaytishi mumkin. Bu haqda ijtimoiy tarmoqlar orqali insayder Matteo Moretto xabar bermoqda.
Jurnalistning ma’lumotiga ko‘ra, hujumchi xizmati "Milan"ga taklif qilingan. "Rossonerilar" kutilgan natijani bermayotgan meksikalik Santyago Ximenesga o‘rinbosar qidirmoqda. U bu mavsumda to‘qqizta o‘yinda maydonga tushdi va gol ura olmadi.
32 yoshli Ikardi Turkiya Superligasining joriy mavsumida 14 ta o‘yinda maydonga tushdi. Argentinalik futbolchi o‘z hisobiga yettita gol yozdirib qo‘ydi.
