Londonning "Tottenxem" klubi "Gamburg" safida ijara asosida to‘p tepayotgan 18 yoshli xorvatiyalik himoyachi Luka Vushkovichning harakatlaridan mamnun. Bu haqda insayder Fabrisio Romano xabar bermoqda.

Manbaga ko‘ra, "shporlar" markaziy himoyachining "Gamburg"dagi o‘yinlarini muntazam kuzatib bormoqda va undan juda mamnun. Ta’kidlanishicha, "Tottenxem" Vushkovichni bo‘lajak loyihaning asosiy qismlaridan biri deb hisoblamoqda.

Joriy mavsumda himoyachi barcha turnirlarda 13 ta uchrashuvda maydonga tushib, 2 ta gol urishga muvaffaq bo‘ldi.

Aytish kerakki, "Tottenxem" Vushkovichni o‘tgan yozda 11 million yevroga xarid qilgan edi. Biroq, klub uni darhol "Gamburg"ga ijaraga berdi.