Лондоннинг "Тоттенхэм" клуби "Гамбург" сафида ижара асосида тўп тепаётган 18 ёшли хорватиялик ҳимоячи Лука Вушковичнинг ҳаракатларидан мамнун. Бу ҳақда инсайдер Фабрицио Романо хабар бермоқда.
Манбага кўра, "шпорлар" марказий ҳимоячининг "Гамбург"даги ўйинларини мунтазам кузатиб бормоқда ва ундан жуда мамнун. Таъкидланишича, "Тоттенхэм" Вушковични бўлажак лойиҳанинг асосий қисмларидан бири деб ҳисобламоқда.
Жорий мавсумда ҳимоячи барча турнирларда 13 та учрашувда майдонга тушиб, 2 та гол уришга муваффақ бўлди.
Айтиш керакки, "Тоттенхэм" Вушковични ўтган ёзда 11 миллион еврога харид қилган эди. Бироқ, клуб уни дарҳол "Гамбург"га ижарага берди.
