"Bavariya" markaziy himoyachisi Dayo Upamekanoga yana ikki top-klub qiziqish bildirmoqda. Fransiyalik futbolchiga da’vogarlar ro‘yxatini Angliyaning "Manchester Siti" va "Chelsi" klublari to‘ldirdi, deya ta’kidlamoqda jurnalist Grem Beyli.

Premyer-liganing har ikki grandi kelasi yilning iyul oyida shartnomasi yakunlangach, erkin agent sifatida "Bavariya" safini tark etishi mumkin bo‘lgan 27 yoshli futbolchi transferi ustida ishlashni boshlab yuborgan.

Dayo Upamekano uchun kurashda avvalroq Madridning "Real" va "PSJ" klublari favorit sifatida tilga olingan, shuningdek, "Liverpul" haqida ham xabarlar tarqalgandi. Myunxen klubi rahbariyati hamon futbolchini shartnomani uzaytirishga ko‘ndirmoqchi.