"Бавария" марказий ҳимоячиси Дайо Упамеканога яна икки топ-клуб қизиқиш билдирмоқда. Франциялик футболчига даъвогарлар рўйхатини Англиянинг "Манчестер Сити" ва "Челси" клублари тўлдирди, дея таъкидламоқда журналист Грэм Бэйли.

Премьер-лиганинг ҳар икки гранди келаси йилнинг июль ойида шартномаси якунлангач, эркин агент сифатида "Бавария" сафини тарк этиши мумкин бўлган 27 ёшли футболчи трансфери устида ишлашни бошлаб юборган.

Дайо Упамекано учун курашда аввалроқ Мадриднинг "Реал" ва "ПСЖ" клублари фаворит сифатида тилга олинган, шунингдек, "Ливерпуль" ҳақида ҳам хабарлар тарқалганди. Мюнхен клуби раҳбарияти ҳамон футболчини шартномани узайтиришга кўндирмоқчи.