"Liverpul"ning chap qanot himoyachisi Milosh Kerkez klubdagi moslashuvi qanday kechayotganini gapirib berdi.
Vengriyalik futbolchi joriy mavsum oldidan "qizillar" safiga qo‘shildi va "Bornmut"dan deyarli 47 mln yevro evaziga transfer qilindi.
"Eng muhimi - barqarorlik. Olti kunda uchtadan o‘yin o‘tkazishga hali ham ko‘nikyapman. Jismoniy ko‘rsatkichlarim yuqori, lekin hali bunday ritmga o‘rganmaganman - menimcha, aynan shu ustida ishlash kerak. Ammo men bu borada xavotirda emasman - vaqt o‘tishi bilan hammasi keladi," - dedi 22 yoshli futbolchi Sky Sports’ga bergan intervyusida.
Milosh Kerkez Arne Slot jamoasi safida barcha musobaqalarda 21 ta o‘yinda bitta gol urgan.
