Lamin Yamal, Markus Reshford va Brunu Fernandesh joriy mavsumda Yevropaning kuchli beshlik chempionatlarida golli uzatmalar soni bo‘yicha eng yaxshilar qatorida bormoqda.

Reytingni "Bavariya" vakili Maykl Olise boshqarmoqda - uning Bundesligada sakkizta golli uzatmasi bor, deya ta’kidlaydi WhoScored. Ikkinchi bo‘lib borayotgan "Barselona" a’zosi Yamal yettita samarali pas amalga oshirdi. Uchinchi pog‘onani yuqorida tilga olingan Reshford ("Barselona") va Fernandesh ("Manchester Yunayted"), shuningdek, Vitinya ("PSJ"), Luis Milya ("Xetafe"), Luis Dias ("Bavariya"), Fares Shaibi ("Ayntraxt") va Andrey Ilich ("Union" Berlin) - oltitadan golli uzatma bilan bo‘lishib turibdi.

O‘tgan mavsum yakunlariga ko‘ra, top-5 ligalarning eng yaxshi assistenti "Liverpul" a’zosi Muhammad Saloh (18), ikkinchi o‘rin Maykl Olise (15), uchinchi o‘rin esa Lamin Yamal (13) bo‘lgandi.