Portugaliyalik yulduz yarim himoyachi Brunu Fernandesh yaqin kelajakda "Manchester Yunayted"ni tark etishi mumkin. Bu haqda Caught Offside jurnalistlari xabar berdi.

Manbaga ma’lum bo‘lishicha, "qizil iblislar" rahbariyati 31 yoshli xavbekni katta pul evaziga sotib yuborish variantini ko‘rib chiqishga tayyor. Mankunianliklar Fernandeshni sotishdan taxminan 80 million yevro ishlab olishni mo‘ljallamoqda. Portugaliyalik futbolchining transferiga Saudiya Arabistoni chempionati klublari qiziqish bildirmoqda.

Brunu 2020 yilning yanvaridan beri "MYU" futbolchisi hisoblanadi. Portugaliyalikning shartnomasi 2027 yilning yozida o‘z nihoyasiga yetadi. Fernandeshning bozor narxi 40 million yevroni tashkil etadi.