Португалиялик юлдуз ярим ҳимоячи Бруну Фернандеш яқин келажакда "Манчестер Юнайтед"ни тарк этиши мумкин. Бу ҳақда Caught Offside журналистлари хабар берди.
Манбага маълум бўлишича, "қизил иблислар" раҳбарияти 31 ёшли хавбекни катта пул эвазига сотиб юбориш вариантини кўриб чиқишга тайёр. Манкунианликлар Фернандешни сотишдан тахминан 80 миллион евро ишлаб олишни мўлжалламоқда. Португалиялик футболчининг трансферига Саудия Арабистони чемпионати клублари қизиқиш билдирмоқда.
Бруну 2020 йилнинг январидан бери "МЮ" футболчиси ҳисобланади. Португалияликнинг шартномаси 2027 йилнинг ёзида ўз ниҳоясига етади. Фернандешнинг бозор нархи 40 миллион еврони ташкил этади.
