"Kristal Pelas" qishki transferlar oynasi oldidan "Tottenxem" qanot hujumchisi Brennan Jonsonga qiziqish bildirmoqda. Bu haqda The Telegraph xabar bermoqda.

Manbaga ko‘ra, "burgutlar" mavsumning ikkinchi qismida Chempionlar Ligasi yo‘llanmasi uchun kurashish imkoniyatiga ega bo‘lish uchun bir necha hujumchi, jumladan, Jonson nomzodini ko‘rib chiqmoqda. Ayni paytda "Kristal Pelas" 15 turdan so‘ng to‘rtinchi o‘rinda bormoqda.

Joriy mavsumda Jonson barcha musobaqalarda 19 ta o‘yinda maydonga tushib, 4 ta gol urdi. Futbolchining klub bilan amaldagi mehnat shartnomasi 2028 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 35 mln yevroni tashkil etadi.