"Кристал Пэлас" қишки трансферлар ойнаси олдидан "Тоттенхэм" қанот ҳужумчиси Бреннан Жонсонга қизиқиш билдирмоқда. Бу ҳақда The Telegraph хабар бермоқда.
Манбага кўра, "бургутлар" мавсумнинг иккинчи қисмида Чемпионлар Лигаси йўлланмаси учун курашиш имкониятига эга бўлиш учун бир неча ҳужумчи, жумладан, Жонсон номзодини кўриб чиқмоқда. Айни пайтда "Кристал Пэлас" 15 турдан сўнг тўртинчи ўринда бормоқда.
Жорий мавсумда Жонсон барча мусобақаларда 19 та ўйинда майдонга тушиб, 4 та гол урди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 35 млн еврони ташкил этади.
