Parij apellyasiya sudi Kilian Mbappening "PSJ"da qolib qolib ketgan 55 million yevro pullarni qaytarish talabini bekor qildi.
Bu mablag‘ hujumchi ish haqi va mukofotlar bo‘yicha qarz sifatida talab qilgan summa edi. Bundan tashqari, sud Mbappeni sud xarajatlarini to‘lashga va "PSJ"ga prosessual huquqlardan noto‘g‘ri foydalangani uchun 3000 yevro to‘lashga majbur qildi, deya xabar bermoqda RMC Sport. Hisoblarni muzlatish 2025 yil aprelida amalga oshirilgan, biroq may oyidayoq sud bu chorani asossiz deb topgan edi. Endi futbolchining apellyasiyasi ham rad etildi.
"PSJ" vakili sud qarori Mbappe talablarining g‘ayriqonuniyligini tasdiqlayotganini ta’kidladi. Shu bilan birga, tomonlar o‘zaro kelishmovchiliklarni davom ettirmoqda: Mbappe klubni ruhiy bosim o‘tkazishda va uni yangi shartnomaga majburlashga urinishda ayblayapti, shuningdek, 253 million yevro talab qilmoqda. "PSJ" esa o‘z navbatida 440 million yevroga teng qarshi da’vo qo‘ymoqda.
