"Fanatik" nashri xabariga ko‘ra, Istanbulning "Galatasaroy" klubi A Seriyadan yarim himoyachi sotib olmoqchi.

Rimning "Lasio" klubiga tegishli bo‘lgan Matteo Genduzi yaqinda "sherlar" skautlari tomonidan klub short-listiga kiritildi. 26 yoshli yarim himoyachining "burgutlar" bilan shartnomasi 2028 yilning iyun oyi oxirigacha amal qiladi va uning Transfermarkt portaliga ko‘ra, bozor narxi 32 million yevroni tashkil etadi.

Bu mavsumda Matteo "Lasio" safida barcha musobaqalarda 13 ta o‘yinda maydonga tushib, 2 ta gol urdi va 1 ta golli uzatmani amalga oshirdi.