Londonning "Arsenal" klubi bosh murabbiyi Mikel Arteta jamoasi yarim himoyachisi Martin Subimendi haqida iliq fikrlar bildirdi.

"Juda ta’sirli, chunki men bu ligaga darhol kelish va u qilayotgan ishni qilish qanchalik qiyinligini bilaman. Birinchidan, jamoada o‘z o‘rniga ega bo‘lish kerak, bu esa oson emas. Keyin - boshqa o‘yin uslubi, boshqa liga. Ammo, siz aytganingizdek, uning xatti-harakatlari va o‘yindagi ishtiroki nihoyatda xilma-xil. Uning himoyadagi ko‘rsatkichlari aql bovar qilmas darajada va men buni ko‘rsata olishiga shubha qilmaganman, ammo bu Premyer-liga va buni isbotlash kerak," - deya Artetaning so‘zlarini keltiradi "Arsenal" rasmiy sayti.

Subimendi 2025 yilning yozida "Real Sosyedad"dan "Arsenal" futbolchisiga aylangandi. Hozirda futbolchi "Arsenal" safida mavsumda 20 ta rasmiy o‘yinda maydonga tushib, 2 ta gol urgan va 3 ta golli uzatmani amalga oshirgan.