Лондоннинг "Арсенал" клуби бош мураббийи Микель Артета жамоаси ярим ҳимоячиси Мартин Субименди ҳақида илиқ фикрлар билдирди.
"Жуда таъсирли, чунки мен бу лигага дарҳол келиш ва у қилаётган ишни қилиш қанчалик қийинлигини биламан. Биринчидан, жамоада ўз ўрнига эга бўлиш керак, бу эса осон эмас. Кейин - бошқа ўйин услуби, бошқа лига. Аммо, сиз айтганингиздек, унинг хатти-ҳаракатлари ва ўйиндаги иштироки ниҳоятда хилма-хил. Унинг ҳимоядаги кўрсаткичлари ақл бовар қилмас даражада ва мен буни кўрсата олишига шубҳа қилмаганман, аммо бу Премьер-лига ва буни исботлаш керак," - дея Артетанинг сўзларини келтиради "Арсенал" расмий сайти.
Субименди 2025 йилнинг ёзида "Реал Сосьедад"дан "Арсенал" футболчисига айланганди. Ҳозирда футболчи "Арсенал" сафида мавсумда 20 та расмий ўйинда майдонга тушиб, 2 та гол урган ва 3 та голли узатмани амалга оширган.
