"Yuventus"ning o‘ng qanot himoyachisi Joau Mariu qishki transferlar davrida klubni tark etish haqida o‘ylamoqda.
"Byankonerilar" portugaliyalikni atigi yarim yil oldin sotib olgan, ammo yangi bosh murabbiy Luchano Spalletti unga umid qilmayapti. Jurnalist Nikolo Skiraning ma’lum qilishicha, 25 yoshli qanot himoyachisi ko‘proq maydonga tushishni istamoqda, shu bois u yanvar oyidayoq jamoani tark etishi mumkin.
Joau Mariu joriy mavsumda 11 ta o‘yinda ishtirok etib, 1 ta golli uzatmani amalga oshirdi.













