Madridning "Atletiko" klubi hujumchisi Antuan Grizmann tez orada ketishi haqidagi mish-mishlarga qaramay, bor e’tiborini hozirgi klubiga qaratmoqda.

Fransuz joriy mavsumda "matraschilar"ning asosiy tarkibidagi doimiy o‘rnini yo‘qotdi. OAVda anchadan beri 34 yoshli forvardning MLSga ketishi mumkinligi haqida gap-so‘zlar yuribdi.

- Mening kelajagim? "Atletiko"da sovrin yutmoqchiman," - deya Grizmanning qisqacha javobini keltiradi Atletico Universe.

Joriy mavsumda futbolchi Diyego Simeone jamoasi safida 23 ta o‘yinda maydonga tushib, 6 ta gol urdi va 1 ta golli uzatmani amalga oshirdi. Tajribali futbolchining madridliklar bilan amaldagi shartnomasi 2027 yilning yarmigacha mo‘ljallangan.