Мадриднинг "Атлетико" клуби ҳужумчиси Антуан Гризманн тез орада кетиши ҳақидаги миш-мишларга қарамай, бор эътиборини ҳозирги клубига қаратмоқда.
Француз жорий мавсумда "матрасчилар"нинг асосий таркибидаги доимий ўрнини йўқотди. ОАВда анчадан бери 34 ёшли форварднинг МЛСга кетиши мумкинлиги ҳақида гап-сўзлар юрибди.
- Менинг келажагим? "Атлетико"да соврин ютмоқчиман," - дея Гризманнинг қисқача жавобини келтиради Atletico Universe.
Жорий мавсумда футболчи Диего Симеоне жамоаси сафида 23 та ўйинда майдонга тушиб, 6 та гол урди ва 1 та голли узатмани амалга оширди. Тажрибали футболчининг мадридликлар билан амалдаги шартномаси 2027 йилнинг ярмигача мўлжалланган.
