"Arsenal" himoyachisi Vilyam Saliba sentyabr oyida klub bilan shartnomani uzaytirishga qaror qilgani haqida gapirdi. Fransuzning londonliklar bilan mehnat shartnomasi 2030 yilning yozigacha mo‘ljallangan.

"Ha, men biroz shubhalandim, chunki ikki-uch marta ijaraga ketganingda, bu klubda mustahkam o‘rnashib ololmasligim mumkin, deb o‘ylay boshlaysan. Ammo futbolda ba’zida shubhalar paydo bo‘ladi, ularni unutish va oldinga intilish kerak, men shunday qildim. Shuning uchun o‘z ustimda ishlashda davom etib, ijaraga ketdim. Keyin yana kuchga to‘lib, bu yerga qaytdim. Shundan keyin deyarli barcha o‘yinlarda maydonga tushdim. Faoliyatingizning yangi bosqichida moslashishingiz kerak, chunki ba’zida hamma narsa siz xohlagandek bo‘lmay qoladi. Hamma narsaga tayyor bo‘lish uchun moslashish va albatta, iroda ko‘rsatish kerak," - deya Salibaning so‘zlarini keltiradi "Arsenal" rasmiy sayti.