"Leypsig"ning 19 yoshli vingeri Yan Diomande yaqin vaqtlar ichida kattaroq jamoaga o‘tish ehtimoli yuqori. Uning xizmatlariga Angliya chempionatining bir qator top-klublari qiziqish bildirmoqda.
Jurnalist Florian Plettenbergning yozishicha, Diomandega "Chelsi", "Liverpul", "Manchester Siti" va "Tottenxem" da’vogarlik qilmoqda.
Futbolchining o‘zi ham APLga o‘tishga qarshi emas. "Leypsig" o‘z yulduzi uchun 100 mln yevrodan ko‘proq pul so‘ramoqchi. Ammo Angliyaning top-klublari uchun bunday summa muammo bo‘lmasligi kerak.













