Londonning "Chelsi" klubi bosh murabbiyi Enso Mareska klubdagi faoliyati haqida gapirdi.
"Ha, men "Chelsi"da mutlaqo baxtliman. Men bu jamoa bilan ishlashga sodiqman. Menga muxlislarimizning qo‘llab-quvvatlashi yoqadi va ular eng yaxshisiga loyiq. "Klubdagi eng yomon 48 soat" haqida aytganlarimni allaqachon unutganman. Hozir asosiy e’tiborimni Angliya Liga Kubogi chorak finali doirasidagi "Kardiff"ga qarshi navbatdagi o‘yinga qaratganman.
Bu mavsum juda chiroyli o‘tmoqda. G‘alaba qozonishimiz yoki yutqazishimiz muhim emas, chunki har doim o‘rganadigan narsa bor va men bu jarayondan to‘liq qoniqaman," - deya qo‘shimcha qildi italiyalik 45 yoshli mutaxassis.
Eslatib o‘tamiz, "Chelsi" APL 16-turidan keyin 28 ochko bilan turnir jadvalida to‘rtinchi o‘rinda bormoqda.
