"Inter Mayami" jamoa tarkibiga Serxio Regilon qo‘shilganini e’lon qildi.

"Real"ning sobiq futbolchisi bilan yana bir yilga uzaytirish imkoniyati bilan ikki mavsumlik shartnoma imzolandi. Regilon MLS klubiga o‘tishi borasida izoh berdi.

"Bu juda ambisiyali loyiha, hamma narsani to‘g‘ri bajaradigan g‘olib klub va aynan shu meni o‘ziga jalb qildi. Men bu yerga g‘alaba qozonish va raqobatni davom ettirish uchun keldim. Maqsadim - g‘alaba qozonishda davom etish, sovrinlar yutish - bu yerda hamma narsani qo‘lga kiritish," - dedi Regilon klub matbuot xizmatiga.