Angliya terma jamoasining sobiq futbolchisi Ueyn Runi APL chempionligi uchun asosiy da’vogar haqida gapirdi.
"Mening fikrimcha, g‘alaba uchun favorit - "Arsenal". Ammo "Manchester Siti" "kanonirlar"ga qarshilik ko‘rsata oladimi, yo‘qmi, qiziq. Ammo bu yerda hammasi "Arsenal"ga bog‘liq, axir ular avval ham peshqadam bo‘lishgan, keyin esa ustunlikni qo‘ldan chiqarishgan," - dedi Runi BBC Podcast podkastida.
Ortda qolgan 16 tur natijasiga ko‘ra, "Arsenal" 36 ochko jamg‘arishga muvaffaq bo‘lib, turnir jadvalida peshqadamlik qilmoqda. Eng yaqin ta’qibchisi "Manchester Siti" bilan oradagi farq ikki ochkoni tashkil etmoqda. Kuchli uchlikni "Aston Villa" (33) yakunlab berdi.













