Англия терма жамоасининг собиқ футболчиси Уэйн Руни АПЛ чемпионлиги учун асосий даъвогар ҳақида гапирди.
"Менинг фикримча, ғалаба учун фаворит - "Арсенал". Аммо "Манчестер Сити" "канонирлар"га қаршилик кўрсата оладими, йўқми, қизиқ. Аммо бу ерда ҳаммаси "Арсенал"га боғлиқ, ахир улар аввал ҳам пешқадам бўлишган, кейин эса устунликни қўлдан чиқаришган," - деди Руни BBC Podcast подкастида.
Ортда қолган 16 тур натижасига кўра, "Арсенал" 36 очко жамғаришга муваффақ бўлиб, турнир жадвалида пешқадамлик қилмоқда. Энг яқин таъқибчиси "Манчестер Сити" билан орадаги фарқ икки очкони ташкил этмоқда. Кучли учликни "Астон Вилла" (33) якунлаб берди.
