Londonning "Chelsi" klubi bosh murabbiyi Enso Mareska klubni tark etishga tayyor. Bu haqda Topskills Sports UK xabar bermoqda.
Manbaga ko‘ra, agar klub Mareska bilan xayrlashishga qaror qilsa, u qarshilik qilmaydi. Ayni damda murabbiy va rahbariyat o‘rtasida jiddiy ziddiyat mavjud bo‘lib, bu transfer siyosatidagi kelishmovchilik tufayli yuzaga kelgan. Masalan, Mareska klubdan "Manchester Yunayted"dan Kobbi Maynuni sotib olishni so‘ragan, ammo rad javobini olgan.
Avvalroq, "Chelsi" bosh murabbiyligida Mareskaning o‘rnini kim egallashi mumkinligi ma’lum bo‘lgandi. Iste’fo yanvar oyida rejalashtirilgan.
16 turdan so‘ng "ko‘klar" Premyer-ligada 28 ochko bilan to‘rtinchi o‘rinda bormoqda.













