Лондоннинг "Челси" клуби бош мураббийи Энцо Мареска клубни тарк этишга тайёр. Бу ҳақда Topskills Sports UK хабар бермоқда.
Манбага кўра, агар клуб Мареска билан хайрлашишга қарор қилса, у қаршилик қилмайди. Айни дамда мураббий ва раҳбарият ўртасида жиддий зиддият мавжуд бўлиб, бу трансфер сиёсатидаги келишмовчилик туфайли юзага келган. Масалан, Мареска клубдан "Манчестер Юнайтед"дан Кобби Майнуни сотиб олишни сўраган, аммо рад жавобини олган.
Аввалроқ, "Челси" бош мураббийлигида Маресканинг ўрнини ким эгаллаши мумкинлиги маълум бўлганди. Истеъфо январь ойида режалаштирилган.
16 турдан сўнг "кўклар" Премьер-лигада 28 очко билан тўртинчи ўринда бормоқда.
