2026 yilda mamlakatimizda O‘zbekiston media futbol ligasining ilk mavsumi bo‘lib o‘tadi.
Bu haqda kuni kecha Sport vazirligi, Milliy Olimpiya qo‘mitasi hamda O‘zbekiston futbol assosiasiyasi mutasaddilari ishtirokida o‘tkazilgan konferensiyada e’lon qilindi.
O‘zbekiston media futbol ligasining (United MFL) dastlabki mavsumiga bag‘ishlangan konferensiyada so‘zga chiqqan taniqli futbolchi va murabbiylar, mutaxassislar mamlakat sportida ilk bor amalga oshirilayotgan ushbu loyiha sog‘lom turmush tarzini targ‘ib etish, futbolga bo‘lgan qiziqishni yanada oshirishga xizmat qilishi bilan ahamiyatli ekanini ta’kidladi.
Tadbirda aytilganidek, chempionatga kelgusi yilning 1 martida start beriladi. Mavsum 14 iyunga qadar davom etadi. Unda 16 jamoa ishtirok etadi.
Shu bilan birga, kelgusida United MFL doirasida kubok bellashuvlarini tashkil etish rejalashtirilmoqda.













