"Barselona" bosh murabbiyi Xans-Diter Flik Ispaniya kubogi o‘yinida darvozabon Mark-Andre ter Shtegenni maydonga tushirishga qaror qilgani haqida gapirdi.

"Ko‘k-anorranglilar" musobaqaning 1/16 finalida "Deportivo Gvadalaxara"ga qarshi bahs olib bormoqda (0:0 - tanaffus). Mehmonlar darvozasidan may oyidan buyon jarohati tufayli maydonga tushmayotgan 33 yoshli germaniyalik futbolchi joy oldi.

Jurnalistlar kataloniyaliklar bosh murabbiyidan ter Shtegenni Voysex Shesnidan ustun qo‘yadimi, deb so‘rashdi.

"Bu bor-yo‘g‘i bir o‘yinlik tanlov. Biz ter Shtegenni maydonga tushirishga qaror qildik, chunki u yaqinda tiklandi va endi o‘ynay oladi. Bugun u yaxshi jismoniy holatda ekanligini isbotlash imkoniyatiga ega bo‘ladi," - dedi Flik o‘yindan oldingi intervyusida.