"Барселона" бош мураббийи Ханс-Дитер Флик Испания кубоги ўйинида дарвозабон Марк-Андре тер Штегенни майдонга туширишга қарор қилгани ҳақида гапирди.

"Кўк-анорранглилар" мусобақанинг 1/16 финалида "Депортиво Гвадалахара"га қарши баҳс олиб бормоқда (0:0 - танаффус). Меҳмонлар дарвозасидан май ойидан буён жароҳати туфайли майдонга тушмаётган 33 ёшли германиялик футболчи жой олди.

Журналистлар каталонияликлар бош мураббийидан тер Штегенни Войцех Шеснидан устун қўядими, деб сўрашди.

"Бу бор-йўғи бир ўйинлик танлов. Биз тер Штегенни майдонга туширишга қарор қилдик, чунки у яқинда тикланди ва энди ўйнай олади. Бугун у яхши жисмоний ҳолатда эканлигини исботлаш имкониятига эга бўлади," - деди Флик ўйиндан олдинги интервьюсида.