"RB Leypsig" hujumchisi Timo Verner tez orada Yevropani tark etishi mumkin.
Avvalroq, germaniyalik futbolchiga "Inter Mayami" qiziqish bildirayotgani haqida xabarlar tarqalgan edi, biroq poygaga MLSning yana bir vakili - "San-Xose Ertkveyks" ham qo‘shildi. Jurnalist Florian Plettenbergning ma’lum qilishicha, Kaliforniya klubi allaqachon 29 yoshli futbolchi bilan muzokara o‘tkazgan. Aynan "Ertkveyks" ayni damda hujumchiga asosiy da’vogar bo‘lib turibdi.
Timo Verner joriy mavsumda "RB Leypsig" safida deyarli o‘ynamayapti - maydonda atigi ikki daqiqa. Futbolchining "qizil buqalar" bilan amaldagi shartnomasi 2026 yilning o‘rtalarida tugaydi va uzaytirilmaydi.













