"РБ Лейпциг" ҳужумчиси Тимо Вернер тез орада Европани тарк этиши мумкин.

Аввалроқ, германиялик футболчига "Интер Майами" қизиқиш билдираётгани ҳақида хабарлар тарқалган эди, бироқ пойгага МЛСнинг яна бир вакили - "Сан-Хосе Эртквейкс" ҳам қўшилди. Журналист Флориан Плеттенбергнинг маълум қилишича, Калифорния клуби аллақачон 29 ёшли футболчи билан музокара ўтказган. Айнан "Эртквейкс" айни дамда ҳужумчига асосий даъвогар бўлиб турибди.

Тимо Вернер жорий мавсумда "РБ Лейпциг" сафида деярли ўйнамаяпти - майдонда атиги икки дақиқа. Футболчининг "қизил буқалар" билан амалдаги шартномаси 2026 йилнинг ўрталарида тугайди ва узайтирилмайди.