"Manchester Yunayted" markaziy yarim himoyachisi Kobbi Maynu Manchesterning boshqa klubiga o‘tishi mumkin. Bu haqda jurnalist Grem Beyli xabar bermoqda.

Manbaga ishonadigan bo‘lsak, "Manchester Siti" 20 yoshli iqtidorli xavbekni o‘z safiga qo‘shib olishni juda xohlamoqda. Ta’kidlanishicha, "shaharliklar" allaqachon Ruben Amorim qo‘l ostidagi o‘yin daqiqalari sonidan norozi bo‘lgan ingliz uchun kurashga kirishgan.

Joriy mavsumda Maynu barcha musobaqalarda 12 ta o‘yinda maydonga tushdi va 1 ta golli uzatmani amalga oshirdi.

Yarim himoyachining "qizil iblislar" bilan shartnomasi 2027 yilgacha mo‘ljallangan. Transfermarkt ekspertlari futbolchining narxini 40 million yevroga baholamoqda.