"Манчестер Юнайтед" марказий ярим ҳимоячиси Кобби Майну Манчестернинг бошқа клубига ўтиши мумкин. Бу ҳақда журналист Грэм Бэйли хабар бермоқда.
Манбага ишонадиган бўлсак, "Манчестер Сити" 20 ёшли иқтидорли хавбекни ўз сафига қўшиб олишни жуда хоҳламоқда. Таъкидланишича, "шаҳарликлар" аллақачон Рубен Аморим қўл остидаги ўйин дақиқалари сонидан норози бўлган инглиз учун курашга киришган.
Жорий мавсумда Майну барча мусобақаларда 12 та ўйинда майдонга тушди ва 1 та голли узатмани амалга оширди.
Ярим ҳимоячининг "қизил иблислар" билан шартномаси 2027 йилгача мўлжалланган. Transfermarkt экспертлари футболчининг нархини 40 миллион еврога баҳоламоқда.
