"Manchester Yunayted" va "Tottenxem" klublari "Kyoln" futbolchisi Said El-Mala transferi bo‘yicha so‘rov yubordi. Bu haqda Germaniyaning Sport Bild nashri xabar berdi.

Manbaga ko‘ra, ikkala ingliz klubi ham Germaniya yoshlar terma jamoasida o‘ynab tajribaga ega bo‘lgan futbolchini sotib olishga qiziqish bildirmoqda va uning uchun 30-40 million yevro atrofida pul to‘lashlari mumkin. 19 yoshli futbolchining transferi yozgacha amalga oshmasa kerak.

Futbolchining o‘tgan transfer oynasida "Brayton" 15 million taklif qilgandi. O‘sha paytda uning bozor narxi atigi 3 million yevroga teng edi, hozir esa 18 million.

Said El-Mala joriy mavsum Bundesligada 14 ta o‘yinda 6 ta gol va 3 ta golli uzatmaga mualliflik qildi.