"Манчестер Юнайтед" ва "Тоттенхэм" клублари "Кёльн" футболчиси Саид Эль-Мала трансфери бўйича сўров юборди. Бу ҳақда Германиянинг Sport Bild нашри хабар берди.

Манбага кўра, иккала инглиз клуби ҳам Германия ёшлар терма жамоасида ўйнаб тажрибага эга бўлган футболчини сотиб олишга қизиқиш билдирмоқда ва унинг учун 30-40 миллион евро атрофида пул тўлашлари мумкин. 19 ёшли футболчининг трансфери ёзгача амалга ошмаса керак.

Футболчининг ўтган трансфер ойнасида "Брайтон" 15 миллион таклиф қилганди. Ўша пайтда унинг бозор нархи атиги 3 миллион еврога тенг эди, ҳозир эса 18 миллион.

Саид Эл-Мала жорий мавсум Бундеслигада 14 та ўйинда 6 та гол ва 3 та голли узатмага муаллифлик қилди.