"Everton" klubi va Ukraina terma jamoasi asosiy himoyachisi Vitaliy Mikolenko faoliyatini Germaniyada davom ettirishi mumkin.
Britaniyaning TEAMtalk nashri manbalariga ko‘ra, "RB Leypsig" va "Ayntraxt" vakillari Mikolenkoning "irislar" bilan amaldagi shartnomasi 2026 yil iyun oyi oxirida yakunlanishini inobatga olib, uni kelasi yozda erkin agent sifatida o‘z safiga qo‘shib olmoqchi.
Qayd etilishicha, "Everton" Mikolenkoni jamoada saqlab qolmoqchi, chunki u asosiy tarkibning doimiy o‘yinchisi hisoblanadi, biroq hozirda klub rahbariyati va futbolchining vakillari o‘rtasida kelishuv yo‘q. Ukrainalik futbolchi 2026 yilning yanvar oyidan boshlab boshqa istalgan klub bilan transfer bo‘yicha muzokaralarni boshlashi mumkin.
Joriy mavsumda 26 yoshli Mikolenko "Everton" safida barcha musobaqalarda 15 ta o‘yinda maydonga tushdi. Ingliz klubi safida jami 137 ta o‘yinda 4 ta gol va 3 ta golli uzatmaga mualliflik qilgan.
