RMC Sport nashrining xabar berishicha, "PSJ"ning Kilian Mbappega to‘lashi kerak bo‘lgan umumiy qarzi miqdori taxminan 100 million yevroga yetishi mumkin.
Avvalroq Parij sudi klubning futbolchiga qarshi da’volarini butunlay rad etgan va parijliklarga hujumchiga taxminan 61 million yevro to‘lanmagan maoshni to‘lashni buyurgan edi.
Bu miqdor uning "Real Madrid"ga o‘tishidan oldingi davrga tegishli. Futbolchining advokatlarining so‘zlariga ko‘ra, barcha to‘lanmagan bonuslar va maoshlarni hisobga olgan holda, klubning umumiy qarzi 100 million yevrodan oshishi mumkin.
Mbappening o‘zi soliqlar va ijtimoiy sug‘urta badallari tufayli ancha kam - taxminan 25-26 million yevro oladi.













