"Manchester Siti" Angliya kuboklari doirasida rekord o‘rnatdi.

Mankunianliklar Angliya Liga Kubogi 1/4 finalida "Brentford"ni (2:0) mag‘lub etdi.

2016 yilda Pep Gvardiola murabbiy bo‘lganidan beri "shaharliklar" 13-marta mamlakat kubogi yarim finaliga chiqdi - bu boshqa jamoalarga qaraganda ko‘proq.

Avvalroq, "Siti" 2017/18, 2018/19, 2019/20 va 2020/21-yilgi mavsumlarda Angliya Liga kubogi yarim finalida ishtirok etgandi. Angliya kubogida jamoa 2016/17, 2018/19, 2019/20, 2020/21, 2021/22, 2022/23, 2023/24 va 2024/25-yilgi mavsumlarda yarim finalga chiqdi.

Qayd etilishicha, klub ispaniyalik murabbiy qo‘l ostida har safar Angliya Liga kubogi yarim finaliga chiqqanida, bu turnirda g‘olib chiqqan. Angliya kubogida bu holatda hozirgacha atigi ikkita g‘alaba bor edi.