"PSJ" yarimhimoyachisi Vitinya "Flamengo"ga (1:1, pen. - 2:1) qit’alararo kubok finali haqida gapirdi.

"Bu aql bovar qilmaydigan tuyg‘u. Bu juda muhim final bo‘ldi va biz g‘alaba qozondik. Qiyin bo‘ldi, borimizni berdik, shuning uchun juda xursandmiz. Yaxshi ishlaganimizni his qilyapmiz. Ko‘p harakat va ozgina omad, lekin u ham kerak edi. Safonovning o‘yini ham aql bovar qilmas darajada edi! Muxlislar-chi? Ular doim biz bilan birga, hatto bu yerda, Qatarda ham bizga katta yordam berishdi. Penaltilar seriyasida ularning tomonini tanlaganimiz uchun omadimiz keldi, bu muhim. Va, xayriyatki, hammasi shunday bo‘ldiki, "PSJ" g‘alaba qozondi", - deya Vitinyaning so‘zlarini keltiradi Canal Supporters.

Parijliklarning rossiyalik darvozaboni Matvey Safonov penaltilar seriyasida raqibning ketma-ket to‘rtta zarbasini qaytardi va uchrashuvning eng yaxshi futbolchisi deb topildi.