Ekvador terma jamoasi himoyachisi Mario Pineyda 33 yoshida vafot etdi. Bu haqda extra.ec portali xabar bermoqda.

Manbaga ko‘ra, futbolchi go‘sht do‘konida xaridlarni amalga oshirayotganda, do‘konni bosqinchilar qo‘lga olgan va ogohlantirishsiz o‘q uzgan. Hujum oqibatida futbolchining onasi ham jarohat olgan va uning sevgilisi halok bo‘lgan. Polisiyaning ta’kidlashicha, bu maqsadli qotillik bo‘lishi mumkin.

Mario Pineyda Guayakilning "Barselona" klubi futbolchisi edi, u professional faoliyatining ko‘p qismini shu jamoada o‘tkazgan. Shuningdek, u mahalliy «Independyente», «El Nasyonal» va Braziliyaning «Fluminense» klublarida o‘ynagan.

Pineyda milliy terma jamoa safida 11 ta o‘yin o‘tkazgan va 2015 yilgi Amerika kubogi ishtirokchisi bo‘lgan. 2011 yilda u Janubiy Amerika yoshlar chempionatida g‘olib chiqdi.