Эквадор терма жамоаси ҳимоячиси Марио Пинейда 33 ёшида вафот этди. Бу ҳақда extra.ec портали хабар бермоқда.
Манбага кўра, футболчи гўшт дўконида харидларни амалга ошираётганда, дўконни босқинчилар қўлга олган ва огоҳлантиришсиз ўқ узган. Ҳужум оқибатида футболчининг онаси ҳам жароҳат олган ва унинг севгилиси ҳалок бўлган. Полициянинг таъкидлашича, бу мақсадли қотиллик бўлиши мумкин.
Марио Пинейда Гуаякилнинг "Барселона" клуби футболчиси эди, у профессионал фаолиятининг кўп қисмини шу жамоада ўтказган. Шунингдек, у маҳаллий «Индепендьенте», «Эль Насьональ» ва Бразилиянинг «Флуминенсе» клубларида ўйнаган.
Пинейда миллий терма жамоа сафида 11 та ўйин ўтказган ва 2015 йилги Америка кубоги иштирокчиси бўлган. 2011 йилда у Жанубий Америка ёшлар чемпионатида ғолиб чиқди.
