Qit’alararo kubok o‘yinida "PSJ" va "Flamengo" o‘zaro to‘qnash keldi. Parij grandi penaltilar seriyasidagi g‘alaba tufayli nufuzli sovrin sohibi bo‘ldi.
Uchrashuv yakunlangach, Braziliya klubi yarim himoyachisi Jorjinyo OAV vakillari bilan suhbatlashdi.
"Bu biz uchun ajoyib yil bo‘ldi. Jamoa maydonda bor kuchini berdi, klub uchun hamma narsani qildik. Endi yaxshi dam olishimiz kerak, chunki oldinda juda murakkab yil turibdi," - deya futbolchining so‘zlarini keltiradi Globo.













