"PSJ" sardori Markinyos jamoaning rossiyalik darvozaboni Matvey Safonovning "Flamengo"ga qarshi kechgan o‘yindagi ishtirokiga izoh berdi.

Qit’alararo kubok finalida parijliklar braziliyaliklarni penaltilar seriyasida mag‘lub etishdi (1:1, 2:1 - penaltilar seriyasida). Safonov to‘rtta penaltini qaytardi.

"Bunday paytda bizga ishonch bag‘ishlay oladigan shunday darvozabon bo‘lishi juda muhim. Uni yaxshi tayyorlagan va unga yordam bergan barcha xodimlarga rahmat aytishimiz kerak. Bizga haqiqatan ham ishonch uyg‘otadigan darvozabon kerak edi," - deya Markinyosning so‘zlarini keltiradi Le Parisien.