Turinning "Yuventus" klubi jamoaning turkiyalik vingeri Kenan Yildiz bilan hamkorlikni uzaytirishdan manfaatdor. Bu haqda insayder Nikolo Skira ijtimoiy tarmoqlar orqali xabar bermoqda.
"Keksa sinyora" 20 yoshli vingerga 5 yillik yangi mehnat shartnomasi va 5 million yevro maosh taklif qilishga tayyor. Shuningdek, shartnomada pul bonuslari ham ko‘rsatiladi.
Tomonlar o‘rtasidagi amaldagi shartnomaning amal qilish muddati 2029 yil iyun oyi oxirida tugaydi. Kenanning bozor narxi 75 million yevroni tashkil etadi.
Yildiz joriy mavsum 21 ta o‘yinda qatnashib, 6 ta gol va 6 ta golli uzatmani o‘z hisobiga yozdirib qo‘ydi.
