Туриннинг "Ювентус" клуби жамоанинг туркиялик вингери Кенан Йилдиз билан ҳамкорликни узайтиришдан манфаатдор. Бу ҳақда инсайдер Николо Скира ижтимоий тармоқлар орқали хабар бермоқда.
"Кекса синьора" 20 ёшли вингерга 5 йиллик янги меҳнат шартномаси ва 5 миллион евро маош таклиф қилишга тайёр. Шунингдек, шартномада пул бонуслари ҳам кўрсатилади.
Томонлар ўртасидаги амалдаги шартноманинг амал қилиш муддати 2029 йил июнь ойи охирида тугайди. Кенаннинг бозор нархи 75 миллион еврони ташкил этади.
Йилдиз жорий мавсум 21 та ўйинда қатнашиб, 6 та гол ва 6 та голли узатмани ўз ҳисобига ёздириб қўйди.
