Belgiya terma jamoasi, "Everton" va "Manchester Yunayted" klublarining taniqli sobiq futbolchisi Maruan Fellayni Belgiyaning "Sharlerua" klubi murabbiylar shtabini to‘ldirdi.
"Uning vazifasi murabbiylar shtabiga yordam berish va futbolchilarning rivojlanishiga ko‘maklashishdan iborat bo‘ladi. Ayniqsa, jamoa yarim himoyachilari uning shaxsiy tajribasidan unumli foydalanishlari mumkin bo‘ladi. Shuningdek, Maruan har kuni jamoaga talabchanlik, qat’iylik va natijaga erishishga yo‘naltirilgan mehnat mentalitetini singdirish ustida ishlaydi," - deyiladi "Sharlerua" rasmiy bayonotida.













