Бельгия терма жамоаси, "Эвертон" ва "Манчестер Юнайтед" клубларининг таниқли собиқ футболчиси Маруан Феллайни Бельгиянинг "Шарлеруа" клуби мураббийлар штабини тўлдирди.
"Унинг вазифаси мураббийлар штабига ёрдам бериш ва футболчиларнинг ривожланишига кўмаклашишдан иборат бўлади. Айниқса, жамоа ярим ҳимоячилари унинг шахсий тажрибасидан унумли фойдаланишлари мумкин бўлади. Шунингдек, Маруан ҳар куни жамоага талабчанлик, қатъийлик ва натижага эришишга йўналтирилган меҳнат менталитетини сингдириш устида ишлайди," - дейилади "Шарлеруа" расмий баёнотида.
