"Nyukasl Yunayted" bosh murabbiyi Eddi Xau Angliya Liga Kubogi 1/2 finalidan o‘rin olgan "Manchester Siti"ga qarshi o‘yin haqida gapirdi.
"O‘tgan yili ham bunday o‘yinlarda ishtirok etganmiz va har ikki o‘yin bizga yaxshi natijalar keltirgandi.
Menga ikki o‘yindan iborat yarim finallar juda yoqadi. Menimcha, aynan shu narsa Liga kubogini biroz o‘ziga xos qiladi. Bu haqiqatan ham qiyin o‘yin bo‘ladi va hamma sovrin yutishni istaydi," - deya Xauning so‘zlarini keltiradi "Nyukasl" rasmiy sayti.
Angliya Liga Kubogining o‘tgan mavsumida "Nyukasl" 1/2 finalda ikki marta "Arsenal"ni (2:0, 2:0) mag‘lub etgandi. Jamoa finalda "Liverpul" ustidan 2:1 hisobida g‘alaba qozonib, turnir g‘olibiga aylandi.
