"Ньюкасл Юнайтед" бош мураббийи Эдди Хау Англия Лига Кубоги 1/2 финалидан ўрин олган "Манчестер Сити"га қарши ўйин ҳақида гапирди.
"Ўтган йили ҳам бундай ўйинларда иштирок этганмиз ва ҳар икки ўйин бизга яхши натижалар келтирганди.
Менга икки ўйиндан иборат ярим финаллар жуда ёқади. Менимча, айнан шу нарса Лига кубогини бироз ўзига хос қилади. Бу ҳақиқатан ҳам қийин ўйин бўлади ва ҳамма соврин ютишни истайди," - дея Хаунинг сўзларини келтиради "Ньюкасл" расмий сайти.
Англия Лига Кубогининг ўтган мавсумида "Ньюкасл" 1/2 финалда икки марта "Арсенал"ни (2:0, 2:0) мағлуб этганди. Жамоа финалда "Ливерпуль" устидан 2:1 ҳисобида ғалаба қозониб, турнир ғолибига айланди.
